ამ წუთებში თურქეთის ხელისუფლება მთავრობის საგანგებო სხდომაზეა შეკრებილი. თათბირი ქვეყნის პრემიერმინისტრმა მოიწვია. შეხვედრა პარლამენტის შენობაში მიმდინარეობს, რომელიც გვიან ღამით სამხედრო გადატრიალებაში მონაწილე სამხედროების სამიზნე იყო.
ბოლო მონაცემებით გარდაცვლილთა რაოდენობა 90-მდე გაიზარდა. დაშავებულთა რიცხვი კი 1100-ს აჭარბებს.
სამთავრობო ძალები შეთქმულებაში მონაწილე სამხედროებს აკავებენ, მათ გაათავისუფლეს გენშტაბის უფროსიც, რომელიც ამბოხებულებმა წუხელ მძევლად აიყვანეს.
