საფრანგეთის პოლიციამ ნიცაში მომხდარი ტერაქტის მონაწილე მძღოლის მუჰამედ ლახუაეჯ ბუხლელიას ყოფილი ცოლი დააკავა. ,,ბიბისის“ ინფორმაციით, დაკავების მიზეზები ამ დროისთვის არ საჯაროვდება.
მანამდე ადგილობრივმა მედიამ გამომძიებაზე დაყრდნობით გაავრცელა ინფორმაცია, რომ დამნაშავე ნარკოტიკებს იღებდა და შესაძლებელია, დანაშაული მან არაფხიზელ მდგომარეობაში ჩაიდინა. მის სახლში ჩხრეკა ჩატარდა.
დამნაშავის ვინაობა მისი თითის ანაბეჭდების შედეგად დადგინდა. მანამდე განაცხადეს, რომ სატვირთო ავტომობილში 31 წლის მამაკაცის საბუთები იყო აღმოჩენილი, რომელიც ნიცის მცხოვრები იყო ორმაგი მოქალაქეობით.
საფრანგეთში ხვალიდან სამდღიანი ეროვნული გლოვაა გამოცხადებული. ამის შესახებ საფრანგეთის პრემიერ-მინისტრმა, მანუელ ვალსმა უშიშროების საბჭოს სხდომის შემდეგ განაცხადა.
