ქალაქ ნიცაში მომხდარ ტერაქტს, რომელიც ბასტილიის აღების დღესასწაულზე განხორციელდა, 80 ადამიანი ემსხვერპლა, 18 დაშავებული კრიტიკულ მდგომარეობაშია. ამის შესახებ ინფორმაციას საფრანგეთის შს მინისტრი ბერნარ კაზნერი აცრცელებს.
საფრანგეთის პრეზიდენტის, ფრანსუა ოლანდის განცხადებით, ქვეყანაში საგანგებო მდგომარეობა სამი თვით გახანგრძლივდება.
ნიცაში, სანაპიროზე დღესასწაულის აღსანიშნავად შეკრებილი მოსახლეობის მასაში სატვირთო ავტომობილი 60-70 კმ.სთ. სიჩქარით შეიჭრა. იყო სროლებიც. სატვირთოს სავარაუდოდ წარმოშობით ტუნისელი, 31 წლის მამაკაცი მართავდა, რომლის ლიკვიდაციაც ადგილზე განხორციელდა.
