,,ქართული ოცნების“ წევრი ზაქარია ქუცნაშვილი საკუთარი გუნდის ახალ სახეებზე საუბრისას ხაზს უსვამს, რომ მათ განათლება მიღებული აქვთ ევროპის და ამერიკის უნივერსიტეტებში და რაც მთავარია, მათ აქვთ კერძო და საჯარო სექტორში მუშაობის გამოცდილება.
,,მართვისთვის აუცილებელია, რომ ადამიანებს ჰქონდეთ ორივე სფეროსში გამოცდილება, რადგან ორივე ამ სფეროს განსხვავებული სპეციფიკა აქვს. არიან ისეთი სფეროს წარმომადგენლები, რომლებიც არასოდეს ყოფილან მოსაზრებული საქართველოს პარლამენტის წევრთა სიაში. მაგალითად კახა კუჭავა წარმოადგენს სამთო-სამადნო ინდუსტრიის სფეროს. საქართველო ერთ-ერთი უმდიდრესი ქვეყანაა სასარგებლო წიაღისეულით, უბრალოდ არც ერთი ხელისუფლება ამას არ ანიჭებდა მნიშვნელობას და საქართველოს უყურებდნენ როგორც მომხმარებელ ქვეყანას. ჩვენ შეგვიძლია მნიშვნელოვნად განვავითაროთ ეს ინდუსტრია”, - განაცხადა ქუცნაშვილმა.
მისი თქმით, საზოგადოება კიდევ უნდა ელოდეს დაახლოებით 70-80 ადამიანს, რომელიც წარმოდგენილი იქნება მაჟორიტარული და პროპორციული წესით ასარჩევ პირთა სიაში. ,,ქართული ოცნება - დემოკრატიული საქართველო“ რეგიონებში მაჟორიტარი დეპუტატეობის კანდიდატების წარდგენას 18 ივლისს იწყებს.
