დიდი ბრიტანეთის პრემიერ-მინისტრი შს მინისტრი ტერეზა მეი გახდება. მოქმედი პრემიერ-მინისტრი დევიდ ქემერონი პოსტს 13 ივლისს დატოვებს.
ამის შესახებ დევიდ ქემერონმა სპეციალურ მიმართვაში განაცხადა.
დევიდ ქემერონმა ტერეზა მეის სრული მხარდაჭერა გამოუცხადა.
მას შემდეგ, რაც დღეს ენერგეტიკის მინისტრმა ანდრეა ლედსომმა თავისი კანდიდატურა მოხსნა, ტერეზა მეი კონსერვატიული პარტიის თავმჯდომარისა და პრემიერის თანამდებობაზე ერთადერთი კანდიდატი გახდა.
დიდ ბრიტანეთში 13 ივნისს ევროკავშირის წევრობის შესახებ გამართულ რეფერენდუმში "ბრექსითის" მომხრეთა გამარჯვების შემდეგ, დევიდ ქემერონმა განაცხადა, რომ გადადგებოდა, როგორც კი კონსერვატიული პარტია მის შემცვლელს შეარჩევდა.
დიდი ბრიტანეთის ახალმა პრემიერ-მინისტრმა ქვეყნის ევროკავშირიდან გასვლის პროცედურა უნდა დაიწყოს.
