,, ქართული ოცნება-დემოკრატიული საქართველოს“ პარტიული სიის პრეზენტაცია მიმდინარე კვირას გაიმართება და მას პრემიერ-მინისტრი წარადგენს, - ამის შესახებ ზაქარია ქუცნაშვილმა დღეს გამართულ პრესკონფერენციაზე განაცხადა.
”ამ კვირაში იქნება პარტიული სიის პრეზენტაცია. ამ კვირაშივე დაიწყება იმერეთის რეგიონის მაჟორიტარების წარდგენაც. საზოგადოება გაიგებს, ვინ რა უბანზე იქნება პასუხისმგებელი თავისი ხალხის წინაშე”, - განაცხადა ქუცნაშვილმა.
ის ადასტურებს, რომ „კონსერვატიული პარტია“ „ქართულ ოცნებასთან“ ერთად მიიღებს არჩევნებში მონაწილეობას.
,, ერთი, რაც შემიძლია გითხრათ, რომ ”კონსერვატორები” იქნებიან ჩვენთან და დამოუკიდებლად არ მიიღებენ არჩევნებში მონაწილეობას. ეს ფორმატი ვამუშავეთ გია ჟორჟოლიანთან მიმართებაშიც, შესაბამისად ეს პრაქტიკა არსებობს“, - განაცხადა ქუცნაშვილმა.
მისივე თქმით, თუ რა სახით მიიღებს ის არჩევნებში მონაწილეობას, ამ დროისთვის საუბრისგან თავს შეიკავებს.
