აჭარა ტურისტებისათვის უნიკალური ადგილია. გარდა ზღვისა აქ შესაძლებელია მაღალმთიან აჭარაში დასვენებაც, სადაც სათანადო ინფრასტრუქტურის განვითარება ინტენსიურად მიმდინარეობს. წელს აჭარაში და ზოგადად საქართველოში დიდი რაოდენობით ტურისტს ელოდებიან.

აჭარის ტურისტული პოტენციალის გასაცნობად ამჯერად ქართველი ჟურნალისტები პროექტ „გაიცანი საქართველოს“ ფარგლებში სტუმრობდნენ.

„საქართველოში წელს უპრეცენდენტო რაოდენობის საერთაშორისო ვიზიტორები სტუმრობენ. ასევე სიმრავლეა შიდა ტურისტების მხრივ. 6 წელზე მეტია დინამიურად და აქტიურად იზრდება საერთაშორისო ტურისტების რაოდენობა. რაც ყველაზე მთავარია ბათუმში და მთლიანად საქართველოში წლევანდელი წელი ტურისტების რაოდენობით რეკორდული იქნება. ჩვენ ამ ფონზე  ვაგრძელებთ პროექტს „გაიცანი საქართველო“, რამეთუ აჭარა არ არის მხოლოდ ზღვა, მას გააჩნია ბევრი უნიკალური ადგილი, რომლის მონახულება ნამდვილად ღირს. ჩვენ მოვუწოდებთ ჩვენს თანამოქალაქეებს, რომ იმოგზაურონს აჭარის სხვადასხვა უნიკალურ ადგილებში“, აცხადებს ტურიზმის ეროვნულიადმისტრაციის ხელმძღვანელი გიორგი ჩოგოვაძე, რომელიც აჭარის ტურიზმის დეპარტამენტის ხელმძღვანელთან ერთად მედიატურს მასპინძლობდა.

შეგახსენებთ, რომ მთიანი აჭარის რეგიონი ქედის, შუახევის და ხულოს მუნიციპალიტეტებს მოიცავს.

თითოეული მათგანი მდიდარი და მრავალფეროვანი ბუნებით გამოირჩევა. ძალზედ საინტერესო გეოგრაფიულ რელიეფს ქმნის მესხეთის, არსიანისა და შავშეთის ქედები, რომელთა საშუალო სიმაღლე ზღვის დონიდან 2000-2500 მეტრია.

ქედის მუნიციპალიტეტი

ქედაში ხშირად სტუმრობენ მახუნცეთის ჩანჩქერს, სადაც განლაგებულია რესტორნის ტიპის კვების ობიექტები და ასევე საპიკნიკე ადგილები. მუნიციპალიტეტის ტერიტორიაზე აჭარისწყლისა და მთის მდინარეების ხეობებში შესაძლებელია, როგორც ფლორისა და ფაუნის მრავალფეროვანი ნიმუშების, ასევე ჩანჩქერების მონახულება, მრავალფეროვანია ცხოველთა სამყარო. რეგიონი მდიდარია სამკურნალო და მინერალური წყლებით.

შუახევის მუნიციპალიტეტი

მდიდარი ფლორითა და ფაუნით გამოირჩევა შუახევის რეგიონი. სოფლის მეურნეობა შუახევის ეკონომიკის მთავარ დარგს წარმოადგენს. აქაური მასპინძლები გულუხვი და სტუმართმოყვარენი არიან. შეგიძლიათ უშუალოდ გაეცნოთ მათ სოფლის ცხოვრებას და მონაწილეობა მიიღოთ სამეურნეო საქმიანობაში. აქ შეგიძლიათ ისიამოვნოთ გაროთობის ისეთი საშუალებებით როგორიცაა: ჰაიკინგი, ცხენოსნობა, ველოსიპედით გასეირნება და კლდეზე ცოცვა. შაუხევი ცნობილია ზამთრის კურორტით - გომარდული.

ხულოს მუნიციპალიტეტი

ხულო მთიანი აჭარის ულამაზესი კუთხეა. გამორჩეულია, როგორც ბუნების სიმდიდრით, ისე კულტურული ღირშესანიშანაობებითა და ისტორიული წარსულით. ხულოს ტერიტორიაზე მდებარეობს ულამაზესი მწვანე ტბა. ხულოს მუნიციპალიტეტში მდებარეობს ისეთი მთიანი კურორტები როგორიცაა ბეშუმი - ზაფხულის კურორტი, ხოლო ზამთრის კურორტები მდებარეობს გოდერძის უღელტეხილზე, ქედლებსა და დანისპარაულში.