რუსეთიდან აშშ-ის ორი თანამშრომელი გააძევეს, - ამის შესახებ საუბარია რუსეთის საგარეო საქმეთა სამინისტროში გამოქვეყნებულ განცხადებაში.
უწყების ინფორმაციით, მოსკოვმა აღნიშნული გადაწყვეტილება მას შემდეგ მიიღო, რაც აშშ-მ ქვეყნიდან ორი რუსი დიპლომატი გააძევა.
დიპლომატიური ურთიერთობა მხარეებს შორის ივნისის დასაწყისში მომხდარი ინციდენტის შემდეგ დაიძაბა, როცა ამერიკელ დიპლომატს რუსმა სამართალდამცავმა ფიზიკური შეურაცხყოფა მიაყენა. რუსული მხარის მტკიცებით, აღნიშნული პირი სინამდვილეში ამერიკული სპეცსამსახურების თანამშრომელი იყო, რომელიც საელჩოში სადაზვერვო ოპერაციის ჩატარების შემდეგ ბრუნდებოდა, რასაც აშშ-ის სახელმწიფო დეპარტამენტი კატეგორიულად უარყოფს.
