„ჩემთვის მთავარი ერთი რამ არის, რომ ეს ასამბლეა წარმატებით დასრულდა”, - ამის შესახებ ეუთო-ს საპარლამენტო ასამბელის პრეზიდენტის არჩევნებში დამარცხების შემდეგ გიგი წერეთელმა განაცხადა. მისივე თქმით, ის რჩება ეუთო-ს ვიცე-პრეზიდენტად ორი წლის განმავლობაში და უნდა ეს ბერკეტები ქვეყნისთვის გამოიყენოს.
,,მიხარია, რომ ჩემი ქვეყნისთვის იყოს კარგი ამბავი, შეიძლებოდა ყოფილიყო უკეთესი ამბავი საქართველოსთვის, მაგრამ ჩვენმა სახელისუფლო გუნდმა სხვანაირად იფიქრა. არ დავიწყებ საქმის გარჩევას. ყველაფერი ვიცი. დიდი მხარდაჭერა მქონდა, მეორე ტური გაიმართა, სამწუხაროდ, ჩემი ბევრი მხარდამჭერი გუშინ წავიდა ამერიკის დელეგაციიდან, გერმანიის დელეგაციიდან. ვიცოდი, რომ მეორე ტური რთული იქნებოდა, ამას დაემატა გარკვეული სამუშაო. დღეს ჩემი გამოსვლა დავამთავრე კარგი აზრით, რომელსაც ყოველთვის ვეთანხმები. მე არ ვაგებ, ვიგებ ან ვსწავლობ. ახლა ვისწავლე ბევრი რამ, მათ შორის საკუთარი ხელისუფლების, სახელისუფლო პარტიიდან და ვეცდები ეს ნასწავლი გამოვიყენო მომავალ საქმიანობაში. რაც იყო, დღეს არ შემიძილა საუბარი. ბევრი ინფორმაცია არსებობს, ბევრი ინფორმაცია ღიაა. იყო მიმართვები ჩემს წინააღმდეგ, ევროპის სახალხო პარტიის საწინააღმდეგოდ. დღეს არ მინდა საუბარი, არავის გავუსწორებ ანგარიშს. ნელ-ნელა ვუპასუხებ ყველაფერს”, - განაცხადა გიგი წერეთელმა.
