„ნაციონალური მოძრაობის“ ერთ-ერთი ლიდერი გიორგი კანდელაკი, მიიჩნევს, რომ რუსეთის დელეგაცია არ აპირებს გიგი წერეთლისთვის ხმის მიცემას ეოთო-ს საპარლამენტო ასამბლეის პრეზიდენად ფარულ კენჭისყრაზე.
მისი თქმით, „ქართული ოცნების” მიერ „ნაციონალურ მოძრაობას“ რუსეთთან გარიგებაში დადანაშაულება სასაცილოა, რადგან ,,ხალხმა კარგად იცის, ვინ ურიგდება ოკუპანტ სახელმწიფოს, ვინ აფინანსებს ოკუპანტი სახელმწიფოს მიმართ სიმპატიით განწყობილ მედიას და ვინ აპატიმრებს საქართველოს კონტრდაზვერვის ოფიცრებს”
,,რუსეთის დელეგაცია და საქართველოს დელეგაციის უმრავლესობა აქტიურად მუშაობდნენ გიგი წერეთელის წინააღმდეგ. ქართულმა დელეგაციამ სთხოვა, მათთვის იდეურად და პირონვულად ახლოს მდგომ, რუსული დელეგაციის წევრებს, რომ მათთვის ზიანი გაენეიტრალებინათ და ასეთი ძალიან უცნაური განცხადება გაეკეთებინათ", - განაცხადა კანდელაკმა.
მისი თქმით, კენჭისყრა არის ფარული და რუსეთის დელეგაცია არ აპირებს გიგი წერეთლისთვის ხმის მიცემას.
„არ მაქვს ხელთ უტყუარი ინფორმაცია, მაგრამ, როგორც საპარალმენტო კულუარებში საუბრობენ, ეს სწორედ ასეა. ეს ინფორmაიცა, ჩემი აზრით, არ არის საფუძველს მოკლებული“, - განაცხადა კანდელაკმა.
ეუთო-ს საპარლამენტო ასამბელის პრეზიდენტის პოსტზე კენჭისყრა 5 ივლისს გაიმართება. ერთ-ერთი კანდიდატია გიგი წერეთელი.
