ახმედ ჩატაევის საკითხზე კომენტარს აკეთებს საქართველოში შეერთებული შტატების ელჩი. იან კელის განცხადებით, ამერიკულ მხარეს არ აქვს იმის დამადასტურებელი ინფორმაცია, რომ ჩატაევი სტამბოლის ტერაქტების ორგანიზატორია.
მისივე თქმით, არ შეუძლია შეაფასოს, თუ რის საფუძველზე მოხდა ჩატაევის გათავისუფლება ქართველი სამართალდამცავების მიერ 4 წლის წინ.
„ჩვენ არ გვაქვს იმის დამადასტურებელი ინფორმაცია, რომ ტერორისტული აქტი ახმედ ჩატაევის ორგანიზებული იყო. ერთადერთი რაც შემიძლია გითხრათ არის ის, რომ ჩვენ გვაქვს ძალიან კარგი, ფანტასტიური და სამუშაო ურთიერთობა საქართველოს უსაფრთხოების სამსახურებთან. ძალიან მნიშვნელოვანია, რომ ვინც იბრძვის ტერიტორიზმის წინააღმდეგ, მათ შორის აუცილებლად უნდა მოხდეს ინფორმაციის გაზიარება და გაცვლა. ეს ფაქტი მოხდა 4 წლის წინ და მე არ შემიძლია ახლა შევაფასო ის, თუ რის საფუძველზე მოხდა ჩატაევის გამოშვება“, - განაცხადა იან კელიმ.
