პარლამენტის თავმჯდომარის დავით უსუფაშვილის განცხადებით, ვიზალიბერალიზაციასთან დაკავშირებით, არანაირი ხელშემშლელი პირობა არ არსებობს არც საქართველოს მხრიდან და არც სხვების მხრიდან გარდა იმ ფაქტორისა, რომ ეს საკითხი ევროსტრუქტურებში არ განიხილება ვაკუუმში, იზოლირებულად მიმდინარე ცხოვრებისგან.
,,ეს მიმდინარე ცხოვრება ხან ჩვენთვის უფრო სასარგებლო მოვლენებისგან შედგება, ხან არც თუ სასარგებლო მოვლენებისგან. მაგალითად, ბრიტანეთში რეფერენდუმი ერთი კონკრეტული მოვლენა აღმოჩნდა, რომელმაც უკვე დანიშნული საკომიტეტო გადადება გამოიწვია. კანერვამ ბრძანა, რომ საქართველომ ჯადოსნური ნაბიჯები გადადგა და პრაქტიკულად, წამოუდგენელი წარმატების მიღწევა მოახერხა, მაგრამ არც ისე ჯადოქრები ვართ, რომ ამ პროცესში ევროპის ყველა ქვეყანაში ყველაფერი საჩვენოდ წავიყვანოთ“, - დასძინა უსუფაშვილმა.
