,, ნატო-ს ქმედებები მიმართულია პარიტეტის დარღვევისკენ, თუმცა რუსეთი მილიტარისტულ ზეწოლას არ დაემორჩილება”, - ამის შესახებ რუსეთის პრეზიდენტმა საგარეო საქმეთა სამინისტროში ელჩებთან შეხვედრისას განაცხადა.
"ნატო-ს ანტირუსული მიმართულება დღეს შეგნებულად არის წინ წამოწეული, ალიანსი არა მხოლოდ ეძებს რუსეთის ქმედებებში თავისი არსებობის ლეგიტიმურობისა და მიზანშეწონილობის დადასტურებას, არამედ ჩვენი მისამართით რეალურ კონფრონტაციულ ნაბიჯებს დგამს", - განაცხადა ვლადიმირ პუტინმა.
რუსეთის პრეზიდენტმა აღნიშნა, რომ ნატო-მ სამხედრო სწვალებების რაოდნეობა მკვეთრად გაზარდა, მათ შორის შავ და ბალტიის ზღვებში.
"ჩვენ მუდამ გვადანაშაულებენ, რომ სამხედრო აქტივობას ვახორციელებთ. სად? საკუთარ ტერიტორიაზე, ხოლო ის რაც ჩვენს საზღვრებთან ხდება - ეს ნორმალურია. ყველაფერი ეს მიმართულია ათობით წლის განმავლობაში ჩამოყალიბებული სამხედრო პარიტეტის დარღვევისკენ", - განაცხადა ვლადიმირ პუტინმა.
