,,ქართული ოცნების“ შიდა კვლევებს ,,ნაციონალურ მოძრაობაში ,,ყავაზე მკითხაობას“ უწოდებენ. ენმ-ის წევრი მიხეილ მაჭავარიანი აცხადებს, რომ IRI, NDI და GFK თავისი სანდოობით მსოფლიო ხუთეულში შედიან.
„ჩვენ გვაქვს ღია, გამოქვეყნებული კვლევები, რომელიც არის საერთაშორისო ორგანიზაციების მიერ ჩატარებული IRI, NDI და GFK, რომლებიც მსოფლიო ხუთეულში შედიან, ამ კვლევების საფუძველზე ვსაუბრობთ ჩვენ, დანარჩენი არის ყავაზე მკითხაობა,“- განაცხადა მიხეილ მაჭავარიანმა.
შეგახსენებთ, სოციოლოგმა ზურაბ ბიგვავამ, განაცხადა, რომ პარტია „ქართული ოცნების“ მიერ ჩატარებული შიდა კვლევებით, „ნაციონალური მოძრაობის“ რეიტინგი 13%-მდეა, „ქართული ოცნების“ კი 35%-ს შეადგენს.
