დიდი ბრიტანეთის ევროკავშირიდან გასვლის პროცედურა მიმდინარე წლის ბოლომდე არ ამოქმედდება. ამის შესახებ დიდი ბრიტანეთის შინაგან საქმეთა მინისტრმა განაცხადა. „როიტერის“ ინფორმაციით, თერეზა მეიმ ასევე განაცხადა, რომ 2020 წლამდე დიდ ბრიტანეთში საპარლამენტო არჩევნები არ ჩატარდება. მისივე თქმით, გაერთიანებული სამეფო ევროკავშირში დარჩენას ან ხელახლა გაწევრიანებას აღარ შეეცდება.
დიდი ბრიტანეთის შინაგან საქმეთა მინისტრი ქვეყნის პრემიერ-მინისტრის პოსტზე საკუთარი კანდიდატურის წარდგენას გეგმავს
შეგახსენებთ, ვროკავშირის დამფუძნებელი ქვეყნები დიდ ბრიტანეთს მოუწოდებენ, ევროკავშირიდან გასვლის პროცესი რაც შეიძლება მალე დაიწყოს.
23 ივნისს დიდ ბრიტანეთში ჩატარებულ რეფერენდუმის შედეგად, ევროკავშირიდან გაერთიანებული სამეფოს გასვლის მხარდამჭერებმა გაიმარჯვეს. მოგვიანებით, დიდი ბრიტანეთის პრემიერ-მინისტრმა დევიდ ქემერონმა განაცხადა, რომ მიმდინარე წლის ოქტომბერში გადადგება.
დიდი ბრიტანეთის პრემიერ-მინისტრის პოსტზე საკუთარი კანდიდატურის წამოყენებას ასევე გეგმავს იუსტიციის მინისტრი მაიკლ გოუვი.
