დიდი ბრიტანეთის იუსტიციის მინისტრმა მაიკლ გოუვმა, რომელიც ქვეყნის ევროკავშირიდან გასვლის აქტიური მომხრეა, მოულოდნელად გამოთქვა სურვილი წამოადგინოს საკუთარი კანდიდატურა პრემიერ-მინისტრის პოსტზე და ,,კონსერვატიული პარტიის“ ლიდერად, - ამის შესახებ ,,ბიბისი“ იუწყება.
მანამდე ცნობილი იყო, რომ გოუვი პრემიერის პოსტზე ლონდონის ყოფილი მერის, ბორის ჯონსონის კანდიდატურას დაუჭერდა მხარს.
დიდ ბრიტანეთში ჩატარებული რეფერენდუმის შედეგების გამოქვეყნების შემდეგ მოქმედმა პრემიერ-მინისტრმა დევიდ ქემერონმა განაცხადა, რომ თანამდებობას ოქტომბერში დატოვებს.
