პრემიერ-მინისტრი ,,რუსთავი 2“-ის დაკვეთით ჩატარებულ კვლევის შედეგებს ეხმაუერბა და აცხადებს, რომ ,,ქართული ოცნება“ დიდი უპირატესობით გაიმარჯვებს გიორგი კვირიკაშვილმა ასევე განაცხადა, რომ ,,ბევრი ასეთ კვლევა გვინახავს და გვინახავს ძალიან განსხვავებული შედეგები არჩევნებზე“ .
,,ქართული ოცნება” ძალიან დიდი უპირატესობით გაიმარჯვებს, ეს იქნება სავარაუდოდ, 100-ზე მეტი ადგილი პარლამენტში. ვნახოთ არჩევნები წინ არის, ჩვენ ვართ მოწოდებული რაც მთავარია, რომ ჩავატაროთ ერთ-ერთი დემოკრატიული არჩევნები საქართველოს უახლოეს ისტორიაში და ვაჩვენოთ ძალიან მნიშვნელოვანი პროგრესი 2012 წლის არჩევნების შემდეგ, რომელიც საერთაშორისო თანამეგობრობის მიერ იქნა შეფასებული, როგორც დემოკრატიული არჩევნები,“- განაცხადა გიორგი კვირიკაშვილმა.
კვლევა ,,რუსთავი 2” -ის დაკვეთით, ორგანიზაცია GFK-მ ჩაატარა. წინასაარჩევნო გამოკითხვამ მოიცვა საქართველოს 2,200 სრულწლოვანი მოქალაქე, რომლებსაც ხმის მიცემის უფლება გააჩნიათ. კვლევა ჩატარდა პირდაპირი გამოკითხვის გზით, 2016 წლის 7 ივნისიდან 22 ივნისამდე.
გამოყენებული იყო საქართველოს მოსახლეობის ალბათობით ნიმუში, რომელიც მიზნად ისახავს ასახოს საქართველოს მოსახლეობის მთელი სპექტრი. გამოკითხულთა შერჩევა ემყარებოდა შემთხვევითობის პრინციპს. ცდომილების ზღვარი შეადგენს პლუს ან მინუს 2.1 პროცენტს. გამოკითხულთა 77 % დათანხმდა ინტერვიუზე და კითხვარის შევსებაზე.
