დიდი ბრიტანეთის პრემიერ-მინისტრი დევიდ ქემერონის განცხადებით, ევროკავშირის წევრობასთან დაკავშირებით მეორე რეფერენდუმის გამართვა ნაკლებად სავარაუდოა. როგორც დიდი ბრიტანეთის პრემიერ-მინისტრის ოფიციალურმა წარმომადგენელმა ჟურნალისტებს განუცხადა, ქემერონმა მთავრობის წევრებს მუშაობის გაგრძელებისკენ მოუწოდა. პრემიერის თქმით, მინისტრები მის შემცვლელს “ბრექსითისთვის” მზადებაში უნდა დაეხმარონ.
ამასთან, დევიდ ქემერონი მიიჩნევს, რომ შოტლანდიის დამოუკიდებლობის შესახებ მეორე რეფერენდუმის ჩატარების აუცილებლობა არ არის, რადგან ორი წლის წინ შოტლანდიის მოსახლეობამ არჩევანი გააკეთა.
დიდ ბრიტანეთში ევროკავშირის წევრობის შესახებ განმეორებითი რეფერენდუმის ჩატარების მოთხოვნით პეტიციას 3,5 მილიონზე მეტმა ადამიანმა მოაწერა ხელი.
