დიდი ბრიტანეთის საგარეო საქმეთა მინისტრი ფილიპ ჰემონდი ამბობს, რომ ევროკავშირიდან გასვლის მომხრეთა გამარჯვება რუსეთის პრეზიდენტ ვლადიმირ პუტინს, გარკვეულ წილად, შვებას მოჰგვრის. ამის შესახებ ,,ბიბისი“ წერს.
ჰემონდის თქმით, ახლა რუსეთის პრეზიდენტი უფრო ოპტიმისტურად შეაფასებს მოსკოვის წინააღმდეგ ევროკავშირის მიერ დაწესებული სანქციების შემსუბუქების პერსპექტივას.
ანალოგიურ მოსაზრებას იზიარებს აშშ-ის ყოფილი ელჩი რუსეთში მაიკლ მაკფოლი. როგორც მაკფოლი “ტვიტერში” წერს, დიდი ბრიტანეთის რეფერენდუმის შედეგები “პუტინის დიდი საგარეო პოლიტიკური გამარჯვება” გახდა.
23 ივნისს ჩატარებული შედეგების თანახმად, ამომრჩეველთა 51,9 პროცენტმა ევროკავშირის დატოვებას დაუჭირა მხარი. პრემიერ-მინისტრი დევიდ ქემერონი თანამდებობას ოქტომბერში დატოვებს.
