მიმდინარე პროცესების მიზანი არის რუსთავი 2-ის ხელში ჩაგდება და ხელისუფლების უზურპაცია, განუცხადა რუსთავი 2-ს ადვოკატმა ზაზა ბიბილაშვილმა
“ინსტიტუტები ბოლომდე დაინგრა, სასამართლო აღარ არის სასამართლო, დღეს სასამართლომ 18 დღე მოგვპარა, პირდაპირი გაგებით და მიართვა ივანიშვილს”, - განაცხადა ბიბილაშვილმა.
მისი თქმით, ყველაფერი ეს ემსახურება ერთადერთ მიზანს, ეს მიზანი არის რუსთავი 2-ის ხელში ჩაგდება და ხელისუფლების უზურპაცია.
”ვარწმუნებ თითოეულ ტელემაყურებელს, რომ ეს უბრალოდ ვერ მოხდება. ამ ომში გაიმარჯვებს სიმართლე, ამ ომში გაიმარჯვებს სამართლიანობა, გაიმარჯვებს კანონი და გაიმარჯვებს ხალხი. რაც არ უდნა უმსგავსობა ჩაიდინოს ეგრედ წოდებულმა სასამართლომ, როგორი ქურდული და ქვეშ-ქვეშა მეთოდებითაც არ უნდა იბრძოლონ, ეს ბრძოლა რომელშიც ჩვენ ვართ ჩართული არის სამართლიანი და ჩვენ მას აუცილებლად მივიყვანთ ლოგიკურ დასასრულამდე,“ - განაცხადა ზაზა ბიბილაშვილმა.
