"ეროვნული ფორუმის" წევრი ანი მიროტაძე მიიჩნევს, რომ
პროკურატურაში ვანო მერაბიშვილის ციხიდან გაყვანის ფაქტთან დაკავშირებით დაწყებული გამოძიების ფარგლებში ყველა პირი უდნა დაიკითხოს.
“ფაქტმა, რომელიც უკავშირდება ვანო მერაბიშვილის საკნიდან გაყვანას, ძალიან დააზარალა ჩემი ქვეყანა. ვანო მერაბიშვილი ჩემთვის დამნაშავეა, მაგრამ მას ისევე აქვს უფლებები, როგორც ყველა მოქალაქეს ჩვენ ქვეყანაში და სახელმწიფო და თითოეული მოქალაქე ვალდებულია დაიცვას თითოეული ადამიანის უფლება. ვინაიდან არსებობს კითხვის ნიშნები რასაკვირველია ყველა პირი ვისთანაც მეტ-ნაკლებად გამოძიებას აქვს კითხვები, უნდა დაიკითხონ. ცალსახად და ღიად ვაცხადებ, ფარცხალაძესთან დაკავშირებით, თუ გამოძიებას აქვს კითხვები და ალბათ აქვს, ვინაიდან იქ ნახსენებია მისი სახელი და გვარი, რა თქმა უნდა მან ყველა კითხვაზე უნდა გასცეს პასუხი," განაცხადა ანი მოროტაძემ.
