ექს-პრემიერი ბიძინა ივანიშვილი სტრასბურგის სასამართლოს იმ გადაწყვეტილებას ეხმაურება, რომლის საფუძველზეც ვანო მერაბიშვილის საკნიდან გაყვანის ინციდენტზე გამოძიება უნდა დაიწყოს.
“თეა წულუკიანის სისუსტე იქ არსად არ იკვეთება. კარგი იყო, რომ ის გამოძიება ეწარმოებინათ თავის დროზე. რაც შეეხება იმ ბუნდოვან გამონათქვამს, რაც სასამართლომ მიიჩნია, რომ იყო არასწორი, ის, რომ თითქოს ვიღაცამ გაიყვანა და ღამე ესაუბრა, რაც ჩემთვის ღიმილის მომგვრელია. რაღაც კითხვები არის, უდნა გამოიძიონ, რატომ არ გამოიძიეს ამდენ ხანს, აი აქ არის კითხვა,"-აცხადებს ბიძინა ივანიშვილი.
ივანიშვილმა მისი და ყოფილი მთავარი პროკურორის ოთარ ფარცხალაძის ურთიერთობაზეც ისაუბრა.
„ფარცხალაძე არ არის ჩემი მეგობარი, ხშირად ვერ ვხდებით რა თქმა უნდა. ჩემი ბერა გახლავთ მაგის შვილიშვილის ნათლია როგორც მე ვიცი,“ - აღნიშნა ივანიშვილმა.
ასევე ყოფილი პრემიერის თქმით, მერაბიშვილის ის განცხადება, რომ მას თავზე რაღაც ჩამოაცვეს და ისე ესაუბრნენ ეს მისი თქმით "აბსოლუტური აბსურდია."
“მე არ მიმიქცევია მაშინ შესატყვისი ყურადღება. ის გამონათქვამები მახსოვს, რომ თითქოს მაგას რაღაც ჩამოაცვეს თავზე ღიმილის მომგვრელი იყო მაშინ და დღესაც ასე მგონია, რომ ეს აბსოლუტური აბსურდია. რატომ არ აწარმოებს გამოძიება მართლაც იწვევს კითხვებს, თუ კი სტრასბურგში ასეთი კითხვები დადგა, ალბათ ახლა მაინც გამოიძიებენ,“ -განაცხადა ბიძინა ივანიშვილმა.
