დევიდ ქემერონი, რეფერენდუმის შედეგების მიუხედავად, თანამდებობის დატოვებას არ გეგმავს. ამის შესახებ განცხადება გაერთიანებული სამეფოს პრემიერ-მინისტრმა The Times Magazine-სთვის მიცემულ ინტერვიუში გააკეთა.
მისი განმარტებით, ის საუკეთესო კანდიდატია ევროკავშირის წევრი ქვეყნების ლიდერებთან მოლაპარაკების გასაგრძელებლად, რეფერენდუმის ნებისმიერი შედეგების შემთხვევაში.
პრემიერმა ასევე განაცხადა, რომ რეფერენდუმზე პასუხისმგებლობას გრძნობს, რადგან ის მისი პოლიტიკის ფარგლებში კონსერვატიული პარტიის წევრების ნაწილის მოთხოვნის შესაბამისად იყო ინიცირებული.
პარლამენტის კონსერვატიული პარტიის წევრების ნაწილი მიიჩნევს, რომ დევიდ ქემერონის პრემიერ-მინისტრის პოსტზე დარჩენის საკითხი გადაწყვეტილი არ არის.
