"თავისუფალი დემოკრატების" წევრის გიორგი ცაგარეიშვილის შეფასებით, კომპანია "გაზკოს" მიერ 100 კუბური მეტრი გაზის მიწოდების შესახებ "გაზპრომთან" ხელშეკრულების გაფორმებაზე, ცნობილი უნდა ყოფილიყო კონტრაქტზე ხელის მოწერამდე. მისივე თქმით, ამ საქმეში ჩანს ხელისუფლების ჩართულობა.
"თავისუფალი დემოკრატები" მოვითხოვდით, რომ ყოფილიყო მეტი კომუნიკაცია საზოგადოებასთან. რომ კონტრაქტზე ხელის მოწერის შემდგომ კი არ გაგვეგო საქმის დეტალები, არამედ კონტრაქტზე ხელის მოწერამდე. მე მგონი ამის ღორსი ქართული საზოგადოება ნამდვილად არის. ეს ქვეყანა არის მტერი ქვეყანა, მის ხელში გაზპრომი არის უმძლავრესი ინსტრუმენტი ჩვენზე ზეწოლის. რადგანაც ეს ყველაფერი ხელმოწერილია მათ შორის და იმ ადამიანების მიერ, რომლებიც სავარაუდოდ რუსეთში იყვნენ მივლინებული შესაბამისი მანდატით, რა თქმა უნდა აქ ჩართულობა ჩანს ხელისუფლების" - განაცხადა გია ცაგარეიშვილმა.
როგორც „გაზპრომის“ განცხადებაშია ნათქვამი, შესაბამის დოკუმენტს 16 ივნისს, პეტერბურგის საერთაშორისო ეკონომიკური ფორუმის ფარგლებში, „გაზპრომის“ პრეზიდენტმა ალექსეი მილერმა და ქართული კომპანია „გაზკო+“-ის კომერციულმა დირექტორმა გიორგი მამალაძემ მოაწერეს ხელი. კონტრაქტის თანახმად, მიმდინარე წელს „გაზპრომი“ კომპანია „გაზკო+“-ს100 მილიონ კუბურ მეტრამდე გაზს მიაწოდებს. კონტრაქტის მოქმედების ვადა მიმდინარე წლის 1 ივლისი-31 დეკემბერია.
რაც შეეხება საქართველოს ვიცე- პრემიერ დიმიტრი ქუმსიშვილს, მისი ინფორმაციით, "გაზპრომსა" და ქართულ კომპანია "გაზკოს" შორის კონტრაქტი გაფორმებული არ არის და დიდი ალბათობით, ვერც გაფორმდება. მისი თქმით, ეს არის კომერციული ურთიერთობები, რომელშიც სახელმწიფო ჩართული არ არის და ის არც იმ ადამიანებს იცნობს, ვინც მოლაპარაკებებს აწარმოებდა.
