ბანკები უფრო მეტად გახსნილები იყვნენ, უფრო მეტი ინფორმაცია მიაწოდონ თავიანთ მომხმარებლებს, - განაცხადა საქართველოს ეროვნული ბანკის პრეზიდენტმა კობა გვენეტაძემ კომერციული ბანკების ხელმძღვანელთა შეხვედრაზე.
ეროვნული ბანკის პრეზიდენტს მიაჩნია, რომ მნიშვნელოვნად უნდა გააქტიურდეს ღონისძიებები მომხმარებელთა უფლებების დაცვის მიმართულებით.
"ვფიქრობთ მომხმარებელთა უფლებების დაცვა მნიშვნელოვანია კომერციული ბანკებისთვისაც, რადგან რაც უფრო მეტი კმაყოფილი მსესხებელი ეყოლებათ ბანკებს, მით უფრო მაღალი იქნება მათ მიმართ ნდობა. ჩვენი მიდგომაა, რომ ბანკები უფრო მეტად გახსნილები იყვნენ, უფრო მეტი ინფორმაცია მიაწოდონ თავიანთ მომხმარებლებს. ასევე, ვგეგმავთ ცვლილებები შევიტანოთ წესში, რომელიც მომხმარებლისათვის აუცილებელი ინფორმაციის მიწოდებას ითვალისწინებს", - განაცხადა ეროვნული ბანკის პრეზიდენტმა.
