იუსტიციის მინისტრის მცდელობა, ევროსასამართლო გადაწყევტილება დიდ პალატაში გაასაჩივროს, თინა ბურჯალიანის შეფასებით, „ფუჭი მცდელობა იქნება და შესაძლოა, დიდმა პალატამ საქმე განსახილველად არც კი მიიღოს".
ამის შესახებ იუსტიციის მინისტრის ყოფილი მოადგილე გადაცემა არჩევანში საუბრობს.
„იმედი, რომ დიდ პალატაში გასაჩივრდება და ამით რამე შეიცვლება, ეს არის ფუჭი იმედი. ის მოიგებს რამდენიმე თვეს. შემიძლია, სრული პასუხისმგებლობით განვაცხადო, რომ მინიმალურია ალბათობა და არ არსებობს შანსი იმისა, რომ არსებითად განიხილოს ეს სარჩელი დიდმა პალატამ, რადგან ეს საქმე არ არის სამართლებრივი ნოვაცია. ეს არ არის საქმე, სადაც რაიმე რთულ სამართლებრივ საკითხებზე იმსჯელა ევროსასამართლომ. ძალიან სტანდარტული შეფასებები ყველაფრის, უბრალოდ ფაქტობრივი გარემოებებია მძიმე,“ - განაცხადა თინა ბურჯალიანმა.
