ვანო მერაბიშვილი პატიმრობიდან უნდა გათავისუფლდეს. ამის შესახებ ”ჯი-ეიჩ-ენს” საქართველოს ყოფილი პრემიერ-მინისტრის ვანო მერაბიშვილის ადვოკატმა ოთარ კახიძემ განუცხადა.
მისი თქმით, სასამართლომ დაადგინა, რომ ვანო მერაბიშვილის დაუსაბუთებლად შეეფარდა პატიმრობა.
”საქართველოს ხელისუფლებას ეს გადაწყვეტილება აკისრებს პასუხისმგებლობას და ვანო მერაბიშვილი დაუყოვნებლივ უნდა გათავისუფლდეს, - განუცხადა ”ჯი-ეიჩ-ენს” კახიძემ და დასძინა, - ”ევროპის სასამართლომ დარღვევად ცნო 2013 წლის 25 სექტემბრის გადაწყვეტილება ვანო მერაბიშვილის წინასწარ პატიმრობაში დატოვების შესახებ და დაადგინა რომ ვანო მერაბიშვილს დაუსაბუთებლად შეეფარდა პატიმრობა”.
კახიძემ განმარტა რომ ევროკონვენციის 5-1 და მე-18 მუხლების მიხედვით ვანო მერაბიშვილი პოლიტიკური პატიმარია.
"პოლიტიკური კონტექსტის გათვალისწინებით, სასამართლოს გადაწყვეტილებიდან იკითხება, რომ ვანო მერაბიშვილი არის პოლიტიკური პატიმარი,“ - განაცხადა ოთარ კახიძე.
კახიძის განმარტებით, სასამართლოს გადაწყვეტილების პოლიტიკური კონტექსტის გათვალისწინებით ვანო მერაბიშვილი დაუყოვმებლივ უნდა გაათავისუფლონ პატიმრობიდან.
”მისი პატიმრობის ყოველი საათი არის უაღრესად დამაზიანებელი საქართველოს სახელმწიფოს იმიჯისთვის. “ - აცხადებს ოთარ კახიძე.
