14 ივნისს 20 საათზე, თბილისის ვანო სარაჯიშვილის სახელობის სახელმწიფო კონსერვატორიის მცირე დარბაზში ჩატარდება საქველმოქმედო ინტეგრირებული კონცერტი - "მუსიკა გვაერთიანებს". საქველმოქმედო კონცერტზე ცნობილ ახალგაზრდა მუსიკოს შემსრულებლებთან ერთად რამოდენიმე სოლო და ინტეგრირებული ნომრით წარსდგება პარაორკესტრი - (ორკესტრი შშმ პირთა მონაწილეობით).
საქველმოქმედო კონცერტის ინიციატივა ეკუთვნის არასამთავრობო ორგანიზაცია „მშობელთა ხიდს“, რომლის დამფუძლებელნიც თვითონ ფსიქო-სოციალური საჭიროებების ბავშვებისა და მოზარდების მშობლები არიან. მერიის ინფორმაციით, ორგანიაზია ათეულ წელზე მეტია ზრუნავს შეზღუდული შესაძლებლობების მქონე ბავშვებსა და ზრდასრულებზე.
ა(ა)იპ „მშობელთა ხიდმა“ 2014 წელს საქართველოს ბანკის ფონდის „სიცოცხლის ხის“ დახმარებით, პარაორკესტრი ჩამოაყალიბა. 2015-16 წლებში აღნიშნულ პროექტს აფინანსებს საქართველოს კულტურისა და ძეგლთა დაცვის სამინსტრო და ქ. თბილისის მერია. საქველმოქმედო კონცერტზე ცნობილ მუსკოსებთან ერთად რამდენიმე სოლო და ინტეგრირებული ნომით წარსდგება პარაორკესტრი (ორკესტრი შშმ პირთა მონაწილეობით).
კონცერტის მხარდამჭერები არიან:
- საქართველოს კულტურისა და ძეგლთა დაცვის სამინისტრო;
- თბილისის მერიის კულტურული ღონისძიებების ცენტრი
- ქალთა საერთაშორისო ასოციაცია საქართველო;
- სამხატვრო აკადემია;
- სს „ პროკრედიტ ბანკი“.
