ევროკავშირის ელჩი საქართველოში იანოშ ჰერმანი სააპელაციო სასამართლოს მიერ ,,რუსთავი 2“ -ის საქმეზე გამოტანილ გადაწყვეტილებას ეხმაურება და აცახადებს, რომ დისკუსია ორ საკითხზე მიმდინარეობს - სასამართლოს დამოუკიდებლობასა და პრესის თავისუფლებაზე. ,,რუსთავი 2“ -ის ინფორმაციით მან განაცხადა, რომ ვერ ისაუბრებს იმ საქმეზე, რომელიც სასამართლოში იხილება.
,,ეს ახალი თემა არ არის, გარკვეული პერიოდია, მიმდინარეობს სასამართლო დავა. ვერ ვისაუბრებ ჩემს დამოკიდებულებაზე იმ საქმის მიმართ, რომელიც სასამართლოში იხილება. ამიტომ, კონკრეტული საქმის ხარისხზე კომენტარს ვერ გავაკეთებ. საქართველოში ფართო დისკუსია ორ საკითხზე მიმდინარეობს. პირველი, სასამართლოს დამოუკიდებლობასა და მეორე, პრესის თავისუფლებას შეეხება. ჩვენთვის ორივე პრინციპი მნიშვნელოვანია. ეს ასევე მნიშვნელოვანია ასოცირების შეთანხმების კონტექსტში. ჩვენ ვაკვირდებით მოვლენების განვითარებას'', - განაცხადა იანოშ ჰერმანმა.
