საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი ,,რუსთავი 2“-ის საქმესთან დაკავშირებით დღეს მიღებულ გადაწყვეტილებას ეხმაურება და აცხადებს, რომ სასამართლოს გადაწყვეტილება არის კანონი, რომელიც უნდა აღსრულდეს.

„სასამართლოს გადაწყვეტილება არის კანონი, რომელიც უნდა აღსრულდეს. აპრიორში უნდა წარმოვიდგინოთ, რომ სასამართლოს გადაწყვეტილება, ყოველთვის თუ არა, უმრავლეს შემთხვევაში სამართლიანია. მე ყოველთვის სკეპტიკურად ვუყურებ ნებისმიერ საკითხს რომელიც რუსთავი 2-თან კავშირდება და იქიდან მოდის, 2003 წლიდან სხვათაშორის,“ - განაცხადა ნოდარ ჯავახიშვილმა.

სააპელაციო სასამართლოში ,,რუსთავი 2“-ის საქმეზე გადაწყვეტილება დღეს გამოცხადდა, რომლის თანახმადაც, ტელეკომპანიის 100-ვე პროცენტის მფლობელად კვლავ ქიბარ ხალვაში რჩება. უფრო კონკრეტულად, საქალაქო სასამართლოს გადაწყვეტილებით, "რუსთავი 2"-ის  60% ეკუთვნის ქიბარ ხალვაშს, 40% კი  - შპს "პანორამას", რომლის მფლობელიც ასევე ქიბარ ხალვაშია.