საქართველოს პრეზიდენტის ადმინისტრაციის უფროსის, გიორგი აბაშიშვილის შეფასებით, ძალიან სამწუხაროა, რომ საქართველოს პრეზიდენტს არ ყავს მოკავშირეები სასამართლოს გაძლიერების საკითხში, მისივე თქმით, დღეს პარლამენტმა ვერ მოახერხა, ლევან მურუსიძე შეეცვალა ანა დოლიძით და ფაქტობრივად, მოახდინა უზენაესი სასამართლოს პარალიზება
“დღეს პარლამენტმა ვერ გაბედა, მხარი დაეჭირა პროფესიული ნიშნით წარმოდგენილი კანდიდატებისათვის. ფაქტობრივად, ამით პარლამენტმა მოახდინა უზენაესი სასამართლოს პარალიზება. საქართველოს პარლამენტის, უმცირესობა, უმრავლესობა, ყველა ერთად დამარცხდა სასამართლოს გაძლიერების საკითხში. იმ დროს, როცა ამდენი კითხვის ნიშანი ისმის სამასართლოს გაძლიერებაზე, ახლა იყო ყველაზე მნიშვნელოვანი მომენტი, აეღო პასუხისმგებლობა საქართველოს პარლამენტს და ყოფილიყო პრეზიდენტის მოკავშირე სასამართლოს გაძლიერების საკითში. სამწუხაროდ, აღმოჩნდა პირიქით”, - განაცხადა აბაშიშვილმა.
საქართველოს პარლამენტმა დღეს უზენაესი სასამართლოს მოსამართლეობის კანდიდატებს ანა დოლიძეს, თამარ ლალიაშვილის და ნონა თოდუას მხარი არ დაუჭირა.
