ექსპრემიერი ბიძინა ივანიშვილი ოკუპანტების მიერ საზღვრის გადმოწევის ფაქტს ეხმაურება და აცხადებს, რომ ,,ეს უბედურება , „ნაციონალური მოძრაობის“ ლიდერის გაუგებარი ქმედების შედეგია”. მისი თქმით, ეს ახალი პროვოლაცია აღმაშფოთებელია.
,,მე როგორც თვალს ვადევნებ, სახელმწიფო მოხელეებმა ყველამ ჯანსაღი რეაქცია გააკეთა. ასე უნდა გავაგრძელოთ. ის უბედურება, რაც დღეს გვჭირს, „ნაციონალური მოძრაობის“ ლიდერის გაუგებარი ქმედების შედეგია. ისინი ძალიან დაეხმარნენ რუსებს, განეხორციელებინათ ის, რაცა განახორციელეს. რა თქმა უნდა, ყველაფერი უნდა გავაკეთოთ მშვიდობიანი გზით და არ წამოვეგოთ პროვოკაციაზე. საერთაშორისო თანამეგობრობა მაქსიმალურად უნდა გვყავდეს ინფორმირებული და მშვიდობიანი გზით მათთან ერთად უნდა აღვადგინოთ ის უბედურება და დარღვევები, რაც მათი დანაშაულებრივი შეცდომის შედეგია. გასაგებია, რუსეთის ქმედება და ის, რომ ტერიტორიებია ოკუპირებული, ჩვენ აუცილებლად მოვახერხებთ და დავიბრუნებთ ჩვენს ძმებს - აფხაზებს და ოსებს. ამავდროულად, გავაერთიანებთ ტერიტორიებს“, - განაცხადა ბიძინა ივანიშვილმა ჟურნალისტებთან საუბარში.
