თბილისის მერი დავით ნარმანია "ერთიანი ნაციონალური მოძრაობის" ერთ-ერთი ლიდერის, ნიკა მელიას განცხადებას ეხმიანება.
ნარმანიას განმარტებით, თბილისის ბოტანიკურ ბაღში რაიმე სახის შემზღუდავ ან საზოგადოებისთვის მიუღებელ ქმედებებს ადგილი არ აქვს.
"პოლიტიკურად გაკოტრებული და სიცრუის ტირაჟირებაზე ორიენტირებული ადამიანების მხრიდან რაიმე სახის განცხადები არა მგონია, საინტერესო იყოს. ჩვენ ყველა კითხვას გავეცით პასუხი ბოტანიკურ ბაღთან დაკავშირებით. ბოტანიკური ბაღი და მისი ტერიტორია კიდევ უფრო ვითარდება, რაიმე სახის შემზღუდავ ან საზოგადოებისათვის მიუღებელ ქმედებებს ადგილი არ აქვს",- განაცხადა დავით ნარმანიამ.
ნიკა მელიამ ბოტანიკურ ბაღში დღეს ბრიფინგი გამართა და განაცხადა, რომ ბიძინა ივანიშვილი ბოტანიკურ ბაღში ჰიდროელექტროსადგურის მშენებლობას აპირებს.
