საქართველოს შრომის, ჯანმრთელობისა და სოციალური დაცვის მინისტრი მიიჩნევს, რომ ვიზალიბერალიზაციასთან დაკავშირებით, ახალი გარემოებები და ახალი დამაბრკოლებელი ფაქტორები არ გამოჩენილა. დავით სერგეენკომ განაცხადა, რომ თავისუფალი მიმოსვლის მინიჭება არის სამუშაო პროცესი, რომელსაც ევროკავშირის პარლამენტი გადაწყვეტს.
”შემიძლია ცალსახად გითხრათ, რომ ათეულობით, თუ ასეულობით წინაპირობა, რომელიც ვიზალიბერალიზაციის პროცესის დასაწყებად საქართველოს უნდა დაეკმაყოფილებინა, უკლებლივ ყველა შესრულებული გვაქვს. რაც შეეხება თავისუფალი მიმოსვლის მინიჭებას, ეს არის სამუშაო პროცესი, რომელსაც ევროკავშირის პარლამენტი გადაწყვეტს. მე არ ვფიქრობ, რომ აქ რაღაც, ახალი გარემოებები და ახალი დამაბრკოლებელი ფაქტორები გამოჩენილიყო”, - აღნიშნა დავით სერგეენკომ.
ევროკავშირის წევრი სახელმწიფოების შინაგან საქმეთა მინისტრები საქართველოსთვის ვიზალიბერალიზაციის დაწესების საკითხზე 10 ივნისს იმსჯელებენ.
