საპარლამენტო უმრავლესობის დეპუტატის ნუკრი ქანთარიას შეფასებით, ქართველ ამომრჩეველს არჩევანის გაკეთება გაუჭირდება, რადგან იქმნება მრავალი პარტია. ქვეყანაში მიმდინარე პოლიტიკურ პროცესებსა და რამდენიმე ახალი პარტიის დაფუძნებას ქანთარია პოლიტიკურ აჯაფსანდალს და დომხალს უწოდებს
"დღეს ზოგიერთი პოლიტიკური ძალა პარტიას ხსნის ქუჩაში, ნაწილი სხვენზე, ნაწილი რესტორანში.. ამ პოლიტიკური ამაოების ბაზარს აუცილებელია ქართველმა ამომრჩეველმა წერტილი დაუსვას და ვფიქრობ, ასეც იქნება. ამ პოლიტიკურ მტვერს გადაწმენდა ქართველი ამომრჩეველი, თუმცა, რასაკვირველია, ადვილი არ არის ამდენ ზიზილ-პიპილოებში ამოირჩიო შენთვის სასიკეთო და სასურველი ძალა”, - განაცხადა ნუკრი ქანთარიამ.
