აჭარაში განხორციელებული კერძო   ინვესტიციების მაჩვენებელი მზარდია. როგორც აჭარის ფინანსთა და ეკონომიკის სამინისტროში აცხადებე, პირველ კვარტალში აჭარაში კერძო  ინვესტიციები 29,4 %-ით გაიზარდა.

სტატისტიკური ინფორმაციის მიხედვით, 2016 წლის I კვარტალში აჭარის ავტონომიური რესპუბლიკის ტერიტორიაზე განხორციელდა 98.7 მილიონი აშშ დოლარის ოდენობის კერძო  ინვესტიცია, საიდანაც 71.5 მილიონი აშშ დოლარი იყო უცხოური, ხოლო 27.2 მილიონი აშშ დოლარი ადგილობრივი კერძო  ინვესტიცია.

შესაბამისად, 2016 წლის I კვარტალის განმავლობაში აჭარაში განხორციელებული კერძო  ინვესტიციები წინა წლის ანალოგიურ მაჩვენებელთან შედარებით გაზრდილია 29,4 %-ით.

აჭარის ავტონომიური რესპუბლიკის ტერიტორიაზე  განხორციელებული კერძო  ინვესტიციები ეკონომიკური სექტორების მიხედვით შემდეგნაირად გადანაწილდა: ენერგეტიკა (49.1%), ტურიზმი (29.4%), და მშენებლობა (18.3%).

2016 წლის I კვარტალის განმავლობაში აჭარის ავტონომიური რესპუბლიკის ტერიტორიაზე განხორციელებული კერძო  უცხოური ინვესტიციები შეადგენს 71.5 მილიონ აშშ დოლარს.

უცხოური ინვესტიციების უმეტესი ნაწილი განხორციელდა ენერგეტიკის (67.9%),  ტურიზმისა (29.1%) და მშენებლობის (2.1%) სექტორებში.    

2016 წლის I კვარტალის მონაცემებით ყველაზე მსხვილი ინვესტორი ქვეყნებია: ნორვეგია და ინდოეთი (51.1%), თურქეთი (39.8%) და ავსტრია (3.0%).