თურქეთის სასამართლომ მიგრანტი ბავშვების გაუპატიურებაში ბრალდებულ მამაკაცს 108 წლით თავისუფლების აღკვეთა მიუსაჯა. სასამართლოზე დადგინდა, რომ ქალაქ გაზიანტეპის მიგრანტების თავშესაფრის თანამშრომელი 8-დან 12 წლამდე ასაკის რვა სირიელ მოზარდზე სისტემატიურად ძალადობდა.
ბრალდებულმა დანაშუალი აღიარა და განაცხადა, რომ მასთან ერთად ბავშვებზე კიდევ რამდენიმე თანამშრომელი ძალადობდა და ამის შესახებ ბანაკის ხელძღვანელებმაც იცოდნენ.
მისივე თქმით, სექსუალური კავშირის დამყარებამდე ის ბიჭებს ორ დოლარამდე თანხას უხდიდა.
ადვოკატების განცხადებით, დამნაშავის წინააღმდეგ სარჩელი მხოლოდ რვა ბავშვის მშობელმა შეიტანა, მსვერპლთა რიცხვი კი გაცილებით მეტია, რომლებმაც თურქეთიდან დეპორტაციის შიშით სასამართლოს არ მიმართეს.
თურქეთის სამხრეთ ნაწილში მდებარე ბანაკში 14 ათასი მიგრანტი ცხოვრობს.
