,,ნაციონალური მოძრაობის“ წევრი ჩიორა თაქთაქიშვილი ,,რუსთავი 2“ -ის საქმესთან დაკავშირებით კომენტარს აკეთებს და აცხადებს, რომ სააპელაციო სასამართლოს მოსამართლეები თავისუფალ სიტყვას ასამართლებენ.
„ეს არ არის სასამართლო, ეს არის ბიძინა ივანიშვილის ტროიკა, რომელიც თავისუფალ სიტყვას ასამართლებს, არც ერთ ხელისუფლებას, არც ერთ პიროვნებას არ შერჩენია თავისუფალი მედიის ხელყოფა,“- განაცხადა ჩიორა თაქთაქიშვილმა.
სააპელაციო სასამართლო საქალაქო სასამართლოს მიერ გამოტანილ გადაწყვეტილებას იხილავს, რომლის თანახმადაც ტელეკომპანია რუსთავი 2 ქიბარ ხალვაშსა და მის კომპანია "პანორამას" მიეკუთვნა. ,,რუსთავი’’-ის პროცესი 7 ივნისს 10:00 საათზე განახლდება.
