საქართველოს განათლების სფეროში აქვს რესურსი, ისეთი ნაბიჯები გადადგას, რომ პრეტენზია განაცხადოს რეგიონში ლიდერობაზე, ამის შესახებ ახლადდანიშნულმა განათლების მინისტრმა ალექსანდრე ჯეჯელავამ განაცხადა.
ალექსანდრე ჯეჯელავამ ის ძირითადი მიმართულებები დაასახელა, რაზეც აპირებს ყურადღების გამახვილებას.
„ჩვენ შევეცდებით ტექნოლოგიურ განვითარებაზე გავაკეთოთ აქცენტი. გვინდა ხელი შევუწყოთ, ქართველი სტუდენტების სწავლას უცხოეთში და პირიქით. ვეცდებით, რომ პროფესიულ განათლებაშიც იყოს გარკვეული სიახლეები. როგორც მთელ მსოფლიოში და საქართველოშიც მთავარი კონცეფციაა განგრძობითი განათლების მიღება. იბადება ადამიანი, იწყებს განათლებას, იზრდება და, როგორც ჩვენთან არის - სწავლა სიკვდიმდე შენიაო - ასე უნდა გაგრძელდეს”, - განაცხადა ალექსანდრე ჯეჯელავამ.
მინისტრის განცხადებით, იგი სამინისტროში საკადრო ცვლილებებს არ გეგმავს.
“კარგი პროფესიონალები ყველას სჭირდება და გვინდა ჩვენს გუნდს პროფესიონალები შემოუერთდნენ. არსებულ გუნდს ვაფასებ უმაღლესად", - განაცხადა მინისტრმა.
მან ასვე აღნიშნა, რომ მოახლოებული ეროვნული გამოცდები შეფერხებების გარეშე წარიმართება.
