სააპელაციო სასამართლოში მიმდინარე „რუსთავი 2“-ის საქმის განხილვის დროს მედიის განვითარების ფონდის თავმჯდომარეს, თამარ კინწურაშვილს დაატოვებინეს. მიზეზი სასამართლოს მისამართით გაკეთებული ფრაზა გახდა. ,,არ გრცხვენიათ“ , - მიმართა მოსამართლე ნათია გუჯაბიძეს კინწურაშვილმა.
"ის რაც ხდება საასამართლოში არის სამარცხვინო, მხარეს არ ეძლევა საკუთარ პოზიციაზე და შუამდგლომაზე საუბრის საშუალება. მოსამარათლე გუჯაბიძეს არც ის უთქვამს, ჰქონდა თუ არა ნაქირავები საკუთარი დედისგან ბინა. ჩემს რეპლიკაზე, რომ ეს ყველაფერი სამარცხვინოა, ამაზე მთხოვა მოსამარათლემ განმარტება, მქონდა თუ არა უფლება საკუთარი აზრი გამომეხატა. ვიცი, მისი განცხადება რომ ვერაფერი იმოქმედებს მის გადაწყვეტილებაზე, თუმცა მე ამის არ მჯერა. უბრალოდ იცოდეს, რომ მან შესაძლოა დაასამაროს თავისუფალი მედია."- განუცხადა ჟურნალისტებს თამარ კინწურაშვილმა.
სააპელაციო სასამართლოს მოსამართლეთა კოლეგიამ მანამდე, სხდომათა დარბაზიდან რუსთავი 2-ის ადვოკატები თამთა მურადაშვილი და დიმიტრი საძაგლიშვილი გააძევა. კოლეგიამ ადვოკატი დიმიტრი ძაგნიძე - 100 ლარით, თამთა მურადაშვილი - 300 ლარით, დიმიტრი საძაგლიშვილი კი 500 ლარით დააჯარიმა. პროცეს ვერ ესწრება არხის გენერალური დირექტორი ნიკა გვარამია.
