”რუსთავი 2”-ის გენერალური დირექტორი ნიკა გვარამია გიორგი კვირიკაშვილის მიერ მისი მისამართით გაკეთებულ რეპლიკასთან დაკავშირებით აცხადებს, რომ ,,პრემიერი დიდი ინტელექტუალური შესაძლებლობებით ისედაც არ გამოირჩეოდა“.
,კაცი რომ იყოს, პასუხს გავცემდი. მეტს ვერაფერს გეტყვით” - განაცხადა დღეს პრემიერ-მინისტრმა ნიკა გვარამიას განცახადებასტან დაკავშირებით, რომლის თანახმადაც, გიორგი კვირიკაშვილი ”ახალი მემარჯვენეების” ფრაქციაში თავის დროზე ფულით იყო ნაყიდი.
”ადამიანები, როდესაც საპასუხო არაფერი აქვთ, შეურაცხყოფაზე გადადიან. პრემიერი დიდი ინტელექტუალური შესაძლებლობებით ისედაც არ გამოირჩეოდა, მაშინ როდესაც იმაში ამხელენ, რაც ნამდვილად სიმართლეა, კერძოდ, უკაცრავად ჟარგონისთვის, მაგრამ ჯერ გრეჩიხას „შნირი“ იყო, ახლა ბიძინა ივანიშვილის „შნირია“ - ორივესგან ფულს იღებდა ახლაც და მაშინაც და ორივე შემთხვევაში დანაშაულს ჩადიოდა. მას საპასუხო არაფერი აქვს და შეურაცხყოფაზე გადადის... მაინტერესებს, რა ინტერესი აქვს ჩემს მამაკაცურ საწყისებთან დაკავშირებით”, - განაცხადა ნიკა გვარამიამ.
