მას შემდეგ, რაც ბუნდესტაგის ქვედა პალატამ მხარი დაუჭირა რეზოლუციას, სომეხთა გენოციდის შესახებ 1915-16 წლებში, თურქეთმა გერმანიიდან ელჩი გაიწვია.
თურქეთის პრემიერ-მინისტრმა ბინალი ილდირიმმა დღეს განაცხადა, რომ გერმანიის პარლამენტში დაგეგმილი კენჭისყრა ბერლინისა და ანკარას „მეგობრობის ტესტი“ იქნება. მან ასევე მოუწოდა გერმანელ დეპუტატებს, „არარაციონალურ“ გადაწყვეტილებაზე უარი ეთქვათ.
გერმანიის პარლამენტმა მოიწონა რეზოლუცია, რომლის მიხედვითაც, 1915-1916 წელბში სომხეთის მოსახლეობის მასობრივი მკვლელობა შეფასდა როგორც გენოციდი. რეზოლუციის მიღებისას, პარლამენტის ქვედა პალატაში, მხოლოდ ერთმა დეპუტატმა მისცა ხმა წინააღმდეგ, ერთმაც თავი შეიკავა. თურქეთში მკვეთრი განცხადებები გაკეთდა რეზოლუციასთან დაკავშირებით. აღინიშნა, რომ რეზოლუციის მიღება ორ ქვეყანას შორის ურთიერთობაზე ნეგატიურად აისახება.
თუქეთის ოფიციალური პირები აცხადებენ, რომ იმ პერიოდში მსხვერპლის რაოდენობა 1,5 მილიონ ადამიანზე ბევრად ნაკლებია და მონაცემები გადაჭარბებულია. თუქეთი ასევე უარყოფს ტერმინს ”გენოციდი”.
პრემიერმა ასევე განაცხადა, რომ გერმანიაში 3.5 მილიონი თურქი ცხოვრობს, რომელთაც მნიშვნელოვანი წლვილი შეაქვთ გერმანიის ეკონომიკაში.
