შს მინისტრის მოადგილის არჩილ თალაკვაძის განცხადებით, კორცხელის ინციდენტთან დაკავშირებით რამდენიმე პირს ბრალდება წარედგინა და დანარჩენზე, უკვე, სასამართლო იზრუნებს.
„ბრალი წარედგინათ უკვე ადამიანებს. ჩვენ გავავრცელეთ ინფორმაცია იმ მუხლის შესახებ, რომლის მიხედვითაც მოხდა ამ დანაშაულის გადაკვალიფიცირება, შემდგომში, დანარჩენზე იზრუნებს და გადაწყვეტილებას მიიღებს სასამართლო“, - აღნიშნა თალაკვაძემ.
რაც შეეხება პრეზიდენტ გიორგი მარგველაშვილის მიერ მედიით გაკეთებულ განცხადებას, რომლის თანახმად, მას უჩნდება ეჭვი, რომ მმართველ კოალიციაში არის გარკვეული ,,მოძველბიჭო დაჯგუფება“, შს მინისტრის მოადგილე კომენტარს არ აკეთებს
„მე ვარ პოლიციელი და პრეზიდენტის წინადადებებზე, მის განცხადებებზე კომენტარს ვერ გავაკეთებ“, -აღნიშნა თალაკვაძემ.
