,, დღევანდელი საარჩევნო მოდელი უზრუნველყოფს იმ მაჟორიტარების გასვლას პარლამენტში, რომელსაც ხალხი აირჩევს”, - ამის შესახებ საპარლამენტო უმრავლესობის დეპუტატმა გია ჟორჟოლიანმა ჟურნალისტებტან განაცხადა, მისივე თქმით, იგი მხარს არ დაუშერს საარჩევნო სისტემის ე. წ. გერმანულ მოდელს.
„კანონი, რომელიც ჩვენ მივიღეთ, არის ძალიან კარგი, ადეკვატური საქართველოს ვითარებისა. ახლა სხვა ცვლილებების დრო არ არის. არჩევნები ოქტომბერშია დანიშნული და ის მოდელი, რომელიც ჩვენ მივიღეთ, უზრუნველყოფს ყველა მოქალაქის თანასწორობას. მოკლედ, კარგია და ამას ცვლილება არ სჭირდება. დღევანდელი მოდელი უზრუნველყოფს იმ მაჟორიტარების გასვლას პარლამენტში, რომელსაც ხალხი აირჩევს. მე მგონია, რომ ამ მოდელს არავითარი გამოსავალი არ სჭირდება. გამოსავალი ნაპოვნია და ის ძალიან კარგია“, - აცხადებს დეპუტატი.
პარლამენტში საარჩევნო სისტემის ”გერმანული მოდელის” პროექტის განხილვა მიმდინარეობს. ”საარჩევნო კოდექსში” დაგეგმილ ცვლილებებს, რომელიც ფრაქცია ”რესპუბლიკელების” მიერ არის ინიცირებული, ადამიანის უფლებათა დაცვისა და რეგიონული პოლიტიკისა და თვითმმართველობის კომიტეტების გაერთიანებულ სხდომაზე დეპუტატი ვახტანგ ხმალაძე წარადგენს.
