შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილის ინფორმაციით, გიგა ოთხოზორიას მკვლელი დაკავებულია. თუმცა მინისტრი აქვე აღნიშნავს, რომ ეს ინფორმაცია გადაუმოწმებელია.
”მე მაქვს გადაუმოწმებელი, დაუზუსტებელი ინფორმაცია, თითქოს ეს შეესაბამება სინამდვილეს. მხოლოდ ერთ-ერთი წყაროდან მაქვს ინფორმაცია, ამიტომ ვერ მოგცემთ გარანტიას, რომ სინამდვილეს შეესაბამება. შემატყობინეს, რომ დაკავებულია ეჭვმიტანილი, ვინც იმყოფებოდა იმ დროს ხიდზე და ახლა ჩემთვის საკმარისია ეს ინფორმაცია, რათა მივხვდე, რომ მიმდინარეობს მუშაობა, რათა ეჭვმიტანილი იყოს დაკავებული. სხვა მხრივ, გაიგზავნა სხვადასხვა მიმართულებით გარკვეული შეტყობინებები და იმედია, რომ მივიღებთ დადასტურებას”, - განუცხადა ზაქარეიშვილმა ”რუსთავი 2”-ს.
20 მაისს, ხურჩაში, ე,წ,აფხაზი მესაზღვრის მიერ მოკლულ გიგა ოთხოზორიას დღეს დაკრძალავენ.
