,,ნაციონალური მოძრაობის“ ერთ-ერთი ყოფილი ლიდერი გიორგი ვაშაძე აცხადებს, რომ გიგა ბოკერიას დრო პოლიტიკაში უნდა დამთავრდეს. ამის შესახებ მან გუშინ კორცხელში მომხდარი ინციდენტის შეფასებისას აღნიშნა.
,,გიგა ბოკერიას არ ჩაუყვანია, სიტყვაზე ვამბობ, ის მოჭიდავეები, რომლებმაც თავ-პირი დაამტვრიეს ნაციონალური მოძრაობის ლიდერებს, ეს ხომ ფაქტია? შეიძლება, ძალიან ბევრი მინუსი აქვს გიგა ბოკერიას, ამას ხმამაღლაც ვამბობ და ვფიქრობ, რომ მისი დრო პოლიტიკაში უნდა დამთავრდეს, მაგრამ ის, რაც გუშინ მოხდა, აქ არის ხელისუფლების პირდაპირი ქმედება, ჩარევა და ხელისუფლების გარეშე მსგავსი ფაქტები არ ხდება”, - განაცხადა გიორგი ვაშაძემ.
