ოდესის გუბერნატორმა მიხეილ სააკაშვილმა კორცხელის საარჩევნო უბანზე გამარჯვება, „ნაციონალური მოძრაობის“ კანდიდატ ვარადებული ლაშხიას კიევიდან, ვიდეოზარის მეშვეობით მიულოცა.
”გილოცავთ ისტორიულ გამარჯვებას. დღეს არის შემობრუნება მთელი საქართველოსი. პირველად 2012 წლის შემდეგ ”ნაციონალურმა მოძრაობამ” მოიპოვა სერიოზული გამაჯრვება, ეს ნიშნავს, რომ საერთოდ ყველაფერი შემობრუნდა და დაუბრუნდა სწორ გზას. ეს არის ხალხის დამსახურება. იგივე რაღაც სცადეს, რაც 2003-ში, როცა ნიღბებიანი ხალხი მოიყვანეს, მაგრამ ხალხს არ შეეშინდა და უფრო ბევრი ხალხი მოვიდა”, - მიმართა მიხეილ სააკაშვილმა გამარჯვებულ კანდიდატს.
ცენტრალური საარჩევნო კომისიის წინასწარი მონაცემებით, ზუგდიდის მაჟორიტარულ ოლქში, სადაც გუშინ დაპირისპირება მოხდა, ”ნაციონალური მოძრაობის” კანდიდატმა 10 ხმით დაამარცხა ,,ქართული ოცნების“ კანდიდატი.
