კონსტიტუციაში ცვლილებების შეტანის საკითხზე რეფერენდუმი ტაჯიკეთში შედგა. ,,ბიბისის“ ინფორმაციით, ადგილობრივი დროით, 12:00 საათისთვის გამოკითხვაში მონაწილეობა 2 933 812 ადამიანმა მიიღო, რაც დარეგისტრირებულთა 66 %-ს შეადგენს.
კანონში შესატანი ცვლილებები ქვეყნის მოქმედ პრეზიდენტს ემომალი რახმონის საპრეზიდენტო არჩევნებში განუსაზღვრელი ვადით კენჭისყრის უფლებას მიანიჭებს. ინიცირებული ცვლილებების თანახმად, ასაკობრივ ცენზი 30 წლამდე შემცირდება, რაც პრეზიდენტის ვაჟს რუსტამ ემომალის 2020 წლისთვის საკუთარი კანდიდატურის წამოყენების საშუალებას მისცემს.
საკონსტიტუციო ცვლილებების თანახმად, ქვეყანაში რელიგიური და ნაციონალური ნიშნით პოლიტიკური პარტიების შექმნაც აიკრძალება. დამკვირვებლები მიიჩნევენ, რომ მორიგი რეფერენდუმის ჩატარება მმართველი ძალის ხელისუფლებაში დარჩენის სურვილით არის განპირობებული, თუმცა, ქვეყნის ცენტრალური საარჩევნო კომისია აღნიშნულ მოსაზრებას არ ეთანხმება.
რეფერენდუმის წინასწარი შედეგები ცნობილი ორშაბათს გახდება.
