ეროვნული ბანკი საქართველოს სახელმწიფოებრივი დამოუკიდებლობის აღდგენის კვირეულს უერთდება.
20 მაისს, 14:00 საათზე, სებ-ის აღმასრულებელი დირექტორი გიორგი მელაშვილი ყვარლის ფულის მუზეუმში საგანმანათლებლო ტურს და გამოფენას გახსნის.
შეგახსენებთ, ფულის მუზეუმი ყვარელში 2012 წლის ბოლოდან ფუნქციონირებს. მუზეუმში მუდმივ გამოფენაზე თვალსაჩინოდ არის წარმოდგენილი საქართველოში ფულის მიმოქცევის მრავალსაუკუნოვანი ისტორია ძველი წელთაღრიცხვის მეექვსე საუკუნიდან დღემდე და აქვეა წარმოდგენილი თანამედროვე მსოფლიოს სხვადასხვა ქვეყნის ვალუტა.
