უკრაინის უმაღლესმა რადამ ქალაქ დნეპროპეტროვსკისთვის დნეპრის დარქმევას მხარი დაუჭირა. ქალაქის სახელწოდების შეცვლის დადგენლებას რადას სხდომაზე რეგისტრირებული 344 დეპუტატიდან 247-მა დაუჭირა მხარი. ქალაქის სახელწოდების შეცვლა დეკომუნიზაციის შესახებ კანონის ფარგლებში მოხდა.
როგორც დადგენილების განმარტებაშია აღნიშნული, სახელწოდება დნეპროპეტროვსკი ქალაქმა 1926 წელს მდინარის მიხედვით და საბჭოთა მოღვაწის, რევოლუციური მოძრაობის ხელმძღვანელისა და უკრაინის საბჭოთა რესპუბლიკის ცენტრალური საარჩევნო კომისიის თავმჯდომარის გრიგორი პეტროვსკის საპატივცემულოდ მიიღო. უკრაინაში პეტროვსკის 1932-1933 წლებში გოლოდომორის ორგანიზატორად მიიჩნევენ. “სახელწოდება ატარებს კომუნისტური რეჟიმის სიმბოლიკას და, კანონის თანახმად, უნდა შეიცვალოს”.
